يعد مجال الريزن من اهم المجالات حاليا في مصر والوطن العربي وان لم تعرف ما معني كلمة ريزن , تابع هذا المقال لمعرفة كل المعلومات الممكنة لمشروع الريزن للمبتدئين , حيث يعد هذا الموقع من اهم المواقع المتاحة علي جوجل لأدوات وخامات الريزن للمبتدئين , وكان من الواجب علينا اظهار الجانب المضئ في عالم فن الريزن واظها معظم فنانين الريزن .
حوار مع الفنانة ندي ابراهيم
اهم المشاركات الفنية في مجال فن الريزن مع الفنانة ندي ابراهيم والحديث عن شغل الريزن
١- حدثنا عن نقطة الانطلاق ومشوارك قبل البداية وبعد البداية في مجال الريزن
في البداية انا كنت بشتغل شغل الاكسسوارات وبعده بدأت اشوف فديوهات عن الريزن , واول الفيديوهات الي اتفرجت عليها كانت من قناة Epoxy world فعلا استفدت كتير منها و من الكورسات الي كانت بتفسر ازي اشتغل في الريزن , وازاي ابدأ فيه واي هي الادوات المطلوبة ولاقيت أن الموضوع فعلا بسيط فحبيته جدا وبعده بقيت اتفرج علي فديوهات اكتر, وبعد كده قررت اني ابدأ ونزلت اشتريت الادوات وكانت حاجة حلوه جدا اني بدأت اعمل حاجه فعلا.
٢- ما هو الهدف الذي تسعي اليه
انا بحاول اني اكبر المشروع ده بأقصي جهد واتمنى ان يكون عندي مكان اكبر في موهبتي ومشروعي , وكمان اساعد. الناس نفسها تبتدي ومش عارفه واخليهم يعرفوا ان مفيش حاجة صعبة, أن الريزن ده حاجة سهلة وجميلة وممتعة وان ممكن أن هما يطلعوا شغل جميل ورقيق ويبدعوا ويطلعوا شغل حلو اوي , وأن كمان مفيش اي حاجة صعبة كل حاجة سهلة ممكن نعملها .
٣- اتكلم عن مجال الريزن في حياتك وتنصح المبتدئين ب ايه
مجال الريزن ده شئ إيجابي وبسيط وسهل وزياده علي ممتعة جدا وبيخلي عندك دايماً طاقه ايجابية وبهجة وحماس , وده بسبب فرحتك بأن انت صنعت حاجه جميلة جدا وابدعت فيها وده بيزيد من حماسك للإستمرار , وانك تكمل ومتوقفش ومتيأسش خالص مهما حصل وبنصح اي حد مبتدأ بأنه ميخفش ابدا و ديما يكون مش متردد , واكيد مش هيندم وفي نفس الوقت يكون هادي وغير متسرع لان الشغل ده بيحب الصبر .
٤- ما رأيك في مجال الهاند ميد عموما وماذا ينقصه
مجال الهاند ميد عموما ممتع جدا وكمان بسيط وسهل وفي حاجات جميلة لأنه بيدي الواحد طاقة ايجابية وبيحسسك انك فعلا فنان , عشان كده بتخرج كل الفن الي جواك فيه عشان تخرج قطع وحاجات تحفة , بالنسبة للي ناقصه فـ انا أعتقد أنه التسويق لانه ممكن حد يبدأ ويكون في شغله تمام بس مش عارف يبيعه فين ولمين وهبيعه ازاي, ويديله اسعار ايه ومين هيشتريهم اصلا فممكن بسبب كده الواحد ييأس بسسب انه فشل انه يسوق حاجاته فبيبطل شغل لأن مفيش دافع يخليه يكمل ويستمر .
٥- ما هي الاستعدادات التي تقوم بها وقت العمل في شغل الريزن
انا بفضي دماغي خالص من اي حاجة شغلاها وبعدين برتب المكان الي هشتغل فيه وبعدها بجهز كل الأدوات الي هحتاجها , وبعدها بأمن نفسي يعني بلبس الماسك والجلفز وبعدين ابدأ اشتغل بخلط المواد وبعدين الالوان وبعدين ابدا في الابداع والتصميمات .
٦- تحدث عن مجال الريزن باستفاضة وما رأيك فيه
الريزن أو الايبوكسي عموما هي ماده سايلة بتشكلها زي ما انت عاوز وتبدع فيها وتتطلع فيها كل إبداعاتك وفنك وموهبك , عشان تتطلع القطعه بكامل الاناقه والجمال والفن وتكون بسيطة وفنفس الوقت ملفته للإنتباه بسبب جمالها , المجال ده انا مش بدأت فيه من بدري بس هو فعلا شي جميل جدا وسهل وفي طاقة ايجابية ,
جميل جدا انك تستني القطعة تنشف علشان تشوف ابداعك وفنك دي فعلا حاجة جميلة جدا وممتعة وبعدها تقعد تضبطها وتخلي شكلها حلو , عشان تصورها بكامل اناقتها دي حقيقي حاجه جميلة جدا تحس ان لما بتشتغل دايما بتكون مبسوط رأيي في المجال ده ان هو حاجة جميلة جدا ومفيدة كشغل وكموهبة .
٧- ما الحلم الذي يراودك ولم يتحقق بعد
ان مشروعي ده يوسع ويوصل لناس كتير ويكون عندي مكان اعرض في شغلي وموهبتي وكمان ادي للناس المبتدئين نصيحة اكتر ومعلومات اكتر, وكمان ابيع اكتر واشتغل اكتر وانمي موهبتي اكتر واساعد اكتر ويكون عندي ورشة أبدع فيها براحتي واعلم فيها الناس ببلاش زي مافي حد علمني وكمان ساعدني , لان العامل النفسي ده بيأثر جدا على شغلك والدعم ده بيزيدك حماس انك تطلع كل الفن والإبداع الي جواك عشان تبهر الناس بيها .
وجه رسالة لموقع Epoxy world وهل براند Epoxy world افادك في مجالك ولا لا
شكرا جدا جدا علي المبادرة الجميلة دي وبجد انتوا اسعدتوا ناس كتير اوي شكرا علي مجهودكم , شكرا على معلوماتكم شكرا اه طبعا افادني جدا جدا.
حوار مع الفنانة ندي ابراهيم