مجال الريزن يعد حاليا من اعظم مجالات الهاند ميد في مصر والوطن العربي , ولكن هل سبق لك معرفة فنانين ومبدعين الريزن منهم المبتدئين ومنهم ايضا المحترفين , وفي هذا الموقع الذي يعد من اهم المواقع الخاصة بمجال الريزن وشغل الريزن , كان من الواجب علينا اظهار الجانب المضئ في عالم فن الريزن ومعرفة مبدعين شغل الريزن .
حوار مع الفنانة رؤي عبد الباسط
اهم المشاركات الفنية في مجال الايبوكسي ريزن مع الفنانة رؤي عبدالباسط والحديث عن شغل الريزن
١- حدثنا عن نقطة الانطلاق ومشوارك قبل البداية وبعد البداية في مجال الريزن
انا في الحقيقة انا لسه طالبة ف كلية فنون تطبيقية حبيت اطلع روح الفنان الي جوايا فكرت ابدا بأية , اخترت ريزن علشان مجال ريزن ، فيه إبداع كبير جدا بما اني ف قسم حلي ومعادن اصلا فقولت ابدا باكسسوارات ريزن , وبدمج بين ريزن وشغلي الي حد ما فاخدت قرار فعلا ونفذت وفعلا اشتغلت ريزن ف الاول خالص كنت بنزل استوري علي الواتس , بعد كده عملت جروب علي الواتس وايضا اصحابي وهما ضافو أصحابهم ولقيت الدنيا تمام ده اداني دافع اني اكمل , وعملت بيدج علي الفيس بوك ونزلت فيه منتجات فعلا وكل ما اعمل قطعة بفرح بيها جدا .
٢- ما هو الهدف الذي تسعي اليه
هدفي اني اكبر وأوسع انتشاري والناس تعرفني كتير وأبقي معروفة كمان دوليا, والفلوس الي اكسبها من ريزن اعمل بيها مستشفي أو أي حاجه خيرية لناس محتاجة , بس لو ربنا قدرني فعلا وبقيت مشهورة هعمل مستشفي للناس اللي محتاجة ف الصعيد علشان إرهاق السفر مش يحصلهم ويكونوا مرتاحين لحد ما .
٣- اتكلم عن مجال الريزن في حياتك وتنصح المبتدئين ب ايه
مجال ريزن في حياتي بصراحة بيخليني أطلع الفنان الي جوايا ولو رسمت ف ريزن وباظت بعدلها وتطلع جنان , مجال ريزن مفتوح لدرجة رهيبة مفيش قطعة شبه التانية لا انتي دايزينر, مفيش حد شبهك انصح المبتدئين انهم يتفرجوا كتير علي أشكال وفيديوهات وصور ده في حد ذاته تغذية بصرية لوحدها كده .
ودي حقيقة فعلا انا بعملها ف كليتي كتير بعد كده يقرؤا عن ايه هي ريزن وبعمل ايه وكل حاجه عنه تماما , أضرار وإجراءات احترازية كمان كل حاجة ويشوفوا لو هبدأ ريزن اشوف مكان الي عايشه فيه , أبدأ بأيه هل صواني كوسترات ولا اكسسوارات ولا شيالات ولا ايه , علشان الدنيا تمشي معاك ومش تقفل وتوسع شغلك وشوف شغل مصريين وأجانب وفيديوهات خد فكره من هنا وفكره من هنا وأفكارك كمان هتعمل بجد احلي شغل .
٤- ما هي الاستعدادات التي تقوم بها وقت العمل في شغل الريزن
الاستعدادات الوجب توافرها في شغل الريزن بجيب ادوات وخامات الريزن , كلها ف مكان يوجد فيه تهوية بعدين اخصص مكان مناسب ليا ولشغل الريزن وبعد كده البس جوانتي وكمامة , وابدأ اشتغل ف ريزن وابدع فيه . وبنصح جميع المبتدئين في مجال الريزن الاهم من شغل الريزن ومشروع الريزن , هي سلامة الصحة واتخاذ جميع الاجراءات الاحترازية لتجنب الوقوع في الاضرار .
٥- تحدث عن مجال الريزن باستفاضة وما رأيك فيه
مجال ريزن رائع جدا بصراحة ومهما اتكلمت عنه مش هقول انه مجال تحفه جدا .
٦- ما الحلم الذي يراودك ولم يتحقق بعد
اني بصراحة اتعرف والناس تعرفني ونفسي اساعد الناس اي سؤال حد يسأله وانا عارفاه علي طول بجاوبه , ولو عاوز اي استشارة انا موجوده علي طول وده المطلوب في مجال فن الريزن , دايما بنساعد بعض ومحدش بيتأخر علي حد في اي معلومة حتي لو بسيطة , المهم اننا منبطلش نحلم .
وجه رسالة لموقع Epoxy world وهل براند Epoxy world افادك في مجالك ولا لا
بصراحة البراند ده بالذات من اكتر البراندات اللي فادتني وعرفت حاجات كتير مكنتش واخده بالي منها فعلا , ايوه انا شوفت كذا براند بس فعلا حضرتك براند Epoxy World تحفة وانيا علي طول متابعاه , رسالتي ليه بقي انه يفضل يكمل علي هذا النحو ويشجعنا علي طول زي ما هو علي طول بيعمل كده .
حوار مع الفنانة رؤى عبدالباسط من محافظة القليوبية
ويمكنك التواصل مع الفنانة رؤي من خلال صفحة الفيس بوك الخاصة بها
بقلم / محمود الرويشي