مجال الهاند ميد في مصر يتنوع ويبتكر نوعا مختلفا ومتطورا من الصناعات اليدوية بما يسمي بالريزن , فلم يكتفي الفنانين والمبدعين في معظم مجالات الهاند ميد المختلفة علي تلك الصناعات فقط , بل اضافوا لها الكثير من التجديد والابداع وابتكار نوع خاص من صناعة الاكسسوارات , وتطرقوا الي صناعة الايبوكسي ريزن وهي المادة المستخدمة في صناعة اكسسوارات الريزن وغيرها من الاكسسوارات , فبدأ مشروع الريزن للمبتدئين ومعه بدأ حلم الفنانين في النهوض بما يقابل ويساوي هذا الابداع في مجال فن الريزن .
حوار مع الفنانة مادونا كمال :
مشروع الريزن للمبتدئين
١- حدثنا عن نقطة الانطلاق ومشوارك قبل البداية وبعد البداية في مجال الريزن
● في البداية كان عندي وقت فراغ وبيخليني افكرفي سلبيات كتير وقتها قررت أني خلاص عايزة اعمل حاجة, وأشغل نفسي بحاجة وفي نفس الوقت تكون ممتعة مش روتينية... بدأت أدور في كذا حاجة في مجال الهاند ميد بس أغلبهم كان محتاج موهبة ومش موجودة عندي.
وأخيرا ظهرلي فيديوهات عن الريزن وهو بيعتمد اكتر علي الذوق والتفكير بدأت أدور في الموضوع , وأول حاجة لقتها علي اليوتيوب قناة epoxy world وكان عليها كورس كامل عن فن الريزن وتقريبا قعدت اتعلم واذاكر شهرين, وأخيرا اشتريت الأدوات والخامات وعملت أول كولكشن أكسسوارات وميداليات , وأول قطعة بعتها مميزة جدا بالنسبالي وأحساس ببداية خطوات النجاح .
٢- ما هو الهدف الذي تسعي اليه
● هدفي من مجال الريزن أني أعمل قطع مميزة تكون مبهرة وأفكارها جديدة ويكون عندي براند وجاليري خاص بيا .
مشروع اكسسوارات الريزن
٣- اتكلم عن مجال الريزن في حياتك وتنصح المبتدئين ب ايه
● مجال الريزن مميز جدا اكتشفت إن عندي حاجات كتير منه ومكنتش أعرف طبعا قبل ما أعرف المادة دي اسمها ايه, زي توك وطفاية كنت دايما اقول إزاي زي الإزاز كدا ومبتتكسرش ودلوقتي طبعا عرفت إنها من مادة الريزن.
٤- ما رأيك في مجال الهاند ميد عموما وماذا ينقصه
● المشكلة إن مجال الهاند ميد أغلبه مش واخد التقدير الكافي اللي يستحقه.. بس الحقيقة إني كنت محظوظة لأني اتعاملت مع عملاء بيقدروا جدا جدا وطبعا ده بيخليني أشتغل وأنا فرحانه أكتر, وبفرح أكتر لما حد يطلب مني قطعة مكررة ويكون فاهم ومتأكد إنها أكيد مش هتكون تبيكال للي قبلها , كل قطعة حتي لو بنفس التفاصيل ف هيكون فيها لمسة مختلفة لأنها هاند ميد .
تعليم مشروع الريزن
5- ما هي الاستعدادات التي تقوم بها وقت العمل في شغل الريزن
● أهم حاجة في شغل الريزن إني عرفت أضرارة والوقاية منها وجهزت المكان اللي هبدأ أشتغل فيه مفيش أطفال ف المكان , مكان مفتوح وتهوية كويسة وطبعا لازم الماسك والجلوفز وأدواتي وخاماتي وميزاني وكوباياتي وكل اللي هحتاجه من خامات وكله كان متوفر عند epoxy world .
6 - تحدث عن مجال الريزن باستفاضة وما رأيك فيه
● الميزة الموجودة في فن الريزن إن لو معندكش موهبة بس عندك ذوق حلو مع الوقت هيخلي عندك موهبة إنك تطلع قطعة شيك ومميزة وكل ما تتعلم أكتر هتطلع كل مرة شغل أحلي وهتكتشف إنك تقريبا طلعت فنان ومش واخد بالك .
اكسسوارات الايبوكسي ريزن
7- ما الحلم الذي يراودك ولم يتحقق بعد
● طبعا بقي ليا حلم ف مجال الريزن أكون اسم مميز فيه وأعمل شغل مميز أوي حاجة كدا ميكونش في زيها وأكون فخورة بنفسي , واطور من نفسي اكتر وفي يوم من الأيام يكون عندي جاليري وبراند ب اسمي وأقول إنه في يوم كان حلم والحمد لله اتحقق .
وجه رسالة لموقع Epoxy world وهل براند Epoxy world افادك في مجالك ولا لا
حوار مع الفنانة مادونا كمال من محافظة كفر الشيخ ..
يمكنك ايضا التواصل مع الفنانة من خلال صفحة الفيس بوك الخاصة بها .